باران بارین ده‌ستپێده‌كاته‌وه‌

کەشناسیی هەرێمی کوردستان  ڕایده‌گه‌ێنێت، سبەی پێنجشه‌ممه‌  لە هەندێک لە ناوچەکانی هه‌رێم ئەگەری بارانبارین هەیە و هەورەتریشقەشی لەگەڵدا دەبێت.

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان رایگەیاند، ئەمڕۆ چوارشەممە  16ی 10ی2024، ئاسمانی پارێزگاكان ساماڵ و پەڵەهەور دەبێت لە دوای نیوەرۆ دەگۆرێت بۆ نیمچە هەور لەگەڵ بوونی تۆزێکی سووک لەزۆربەی ناوچەکان و پلەکانی گەرماش نزمدەبنەوە.

ئاماژەی بەوەش كراوه‌، سبەی پێنجشەممە 17ی10ی2024 ئاسمان بەگشتیی نیمچەهەور دەبێت، لە سنووری ناوچە شاخاوییەکانی پارێزگای دهۆک و بەشێک لە ناوچە شاخاوییەکانی پارێزگای هەولێر و بەشێک لە ئیدارەی راپەرین نمەباران و هەورەتریشقەی پچڕپچڕ دەبێت لە نێوان کاتەکانی بەیانی تاوەکو ئێوارە، هەرەوەها ئەگەری بەرزبوونەوەی تۆزێکی سوک هەیە .

 بەرزترین پلەکانی گەرمای شارو ناوچه‌كانی هه‌رێمی كوردستان:

هەولێر: 33 پلەى سیلیزى

سلێمانی: 32 پلەى سیلیزى

دهۆک: 31 پلەى سیلیزى

کەرکوک: 35 پلەى سیلیزى

هەڵەبجە: 33 پلەى سیلیزى

زاخۆ: 30 پلەى سیلیزى

حاجی ئۆمەران: 20 پلەى سیلیزى

سۆران: 31 پلەى سیلیزى

گەرمیان: 36 پلەى سیلیزى