ئه‌مڕۆ چوارشه‌ممه 2ی10ی2024، ئه‌نجوومه‌نی نوێنه‌رانی عێراق كۆده‌بێته‌وه و ده‌نگدان بۆ هه‌مواری یاسای باری كه‌سی ده‌كرێت.
بەگوێرەی فەرمانگەی ڕاگەیاندنی ئه‌نجوومه‌نی نوێنه‌رانی عێراق، ئه‌مڕۆ ئه‌نجوومه‌نه‌كه كۆده‌بێته‌وه و چه‌ند پرسێك تاوتوێ ده‌كات كه گرنگترینیان ده‌نگدانه بۆ هه‌مواری یاسای باری كه‌سی.
یاسای باری كه‌سی ساڵی1959 په‌سه‌ند كراوه و بڕیاره پێش ده‌نگدانی ئه‌مڕۆ هەریەکە لە لیژنەی یاسای و کاروباری خێزان ڕاپۆرتی خۆیان له‌و باره‌وه بخوێننەوە، بڕیاره دانیشتنه‌كه ئه‌مڕۆ كاتژمێر1ی دوانیوه‌ڕۆ ده‌ستپێده‌كات.
ئه‌مه‌ش له كاتێكدایه ئه‌نجوومه‌نی نوێنه‌رانی عێراق سه‌رقاڵی خوێندنه‌وه و هه‌مواركردنه‌وه و ده‌نگدانه به سێ پڕۆژه‌یاسای پڕ له مشتومڕ كه ئه‌وانیش، یاسای باری کەسی و یاسای لێبوردنی گشتی و یاسای گەڕاندنەوەی موڵک و ماڵه بۆ خاوەنەکانیان. له‌نێوان پێكهاته سه‌ره‌كییه‌كانی عێراقیش كێشه له‌سه‌ر هه‌ر سێ پڕۆژه‌یاسا هه‌یه.
کۆمێنت (0)
تا ئێستا هیچ کۆمێنتێک نەکراوە.