کەمال محەمەد ساڵح، وەزیری کارەبا بە یاوەری ستافی وەزارەت لە شاری هەولێر، سەردانی بەشی فرۆشیاری یەکی وزەی کارەبای کرد، كه لە ڕێگەی سیستەمی خزمەتگوزاریی یەکپەنجەرە و جێبەجێکردنی بەرنامەی پێوەری زیرەکەوە، مامەڵەی هاوبەشانی کارەبا، بە شێوەیەکی خێرا و بێ ڕۆتین ڕاده‌په‌ڕێندرێت.
وەزیری کارەبا پرۆژەکەی بە گرنگ وەسف کرد و دەستخۆشی لەو تیمە کرد کە ئاسانکاری بۆ هاووڵاتییان و هاوبەشانی کارەبا دەکەن و ڕایگەیاند؛ لە بەرنامە و پلانی وەزارەت دایە لە تەواوی شوێنەکان ئەو پرۆژەیە جێبەجێ بکرێت.
شايانى باسه لە ڕێگەی سیستەمی یەکپەنجەرەوە، مامەڵەکار تەنیا مامەڵە لەگەڵ یەک پەنجەرە و یەک فەرمانبەر دەکات و دوای ماوەیەکی کەم مامەڵەکەی تەواو دەکرێت و ئاگه‌دار دەکرێتەوە.
کۆمێنت (0)
تا ئێستا هیچ کۆمێنتێک نەکراوە.