ئەمڕۆ پێنجشەممە لەلایەن جوتیارێك لە سنووری پارێزگای نەینەوا، لە كاتی كاركردن و كێلانی زەوییەكەیدا گۆڕێكی بەكۆمەڵ دەدۆزێتەوە، بەگوێرەی پشكنینە سەرەتاییەكان زۆرینەی روفاتەكانی گۆڕەكە بەكۆمەڵەكە منداڵن.
میدیاكانی نەینەوا بڵاویان كردەوە: جوتیارێك لە كاتی كاركردن لە زەوییەكەیدا لە كۆمەڵگەی جەزیرە لە سنووری شارەدێی قەحتانییە لە باكووری نەینەوا، گۆڕێكی بەكۆمەڵ دەدۆزێتەوە و راستەوخۆ لایەنە پەیوەندارەكانی لێ ئاگادار دەكاتەوە.
بڵاویشیان كردەوە: بەگوێرەی پشكنینە سەرەتاییەكان دەركەوتووە زۆرینەی روفاتەكانی گۆڕە بەكۆمەڵەكە منداڵن و لەلایەن چەكدارانی رێكخراوی داعش لە ساڵی 2014 كوژراون و بەكۆمەڵ نێژراون.
ئاماژەیان بەوەش دا كە تا ئێستا ناسنامە و ژمارەی روفاتەكانی گۆڕە بەكۆمەڵەكە دیار نییە، لە چەند رۆژی داهاتووشدا دوای پشكنین لەلایەن لایەنە تایبەتمەندەكان، زانیاری زیاتر لەبارەی گۆڕە بەكۆمەڵەكە بڵاو دەكرێتەوە.
کۆمێنت (0)
تا ئێستا هیچ کۆمێنتێک نەکراوە.