مقاوەمەی ئیسلامی لە عێراق لە بەیاننامەیەكدا رایدەگەیەنێت، تەنیا ئەمڕۆ یەكشەممە لەنێو خاكی عێراقەوە پێنج جار هێرشیان كردۆتە سەر ئیسڕائیل.
مقاوەمەی ئیسلامی لە عێراق لە بەیاننامەكەدا رایگەیاند: لەبەرامبەر هێرشە بەردەوامەكانی ئیسڕائیل بۆ سەر گەلی فەڵەستین لە منداڵ و ئافرەت و پیر لە غەززە، ئەمڕۆ یەكشەممە رێكەوتی 22/9/2024 موجاهیدانی مقاوەمەی ئیسلامی لە عێراق هێرشیان كردە سەر ئیسڕائیل.
راشیگەیاند: هێرشەكان لە رێگەی درۆنەوە لەنێو خاكی عێراق لە نزیك سنووری ئوردن ئەنجامدران.
هەروەها رایگەیاند: موجاهیدەكان ئەمڕۆ پێنجەمین هێرشە كە ئەنجامیان داوە.
مقاوەمەی ئیسلامی لە عێراق لە بەیاننامەكەدا جەختیشی كردەوە كە لەم هێرشانەیان بۆ ناوجەرگەی خاكی ئیسڕائل بەردەوام دەبن.
کۆمێنت (0)
تا ئێستا هیچ کۆمێنتێک نەکراوە.