لە ئەنجامی بۆردومانی ئۆتۆمبێلێك لە نزیك فڕۆكەخانەی نێودەولەتی دیمەشق لە پایتەختی سووریا، فەرماندەیەكی كەتائیبی حزبوڵای عێراق كوژراوە و یەكێكی دیكەش بریندار بووە.
سەرلەبەیانی ئەمڕۆ هەینی لەلایەن ئیسڕائیلەوە بە درۆن ئۆتۆمبێلێك لە نزیك فڕۆكەخانەی دیمەشق كرایە ئامانج و تەقێنرایەوە.
روانگەی سووری بۆ مافەكانی مرۆڤ رایگەیاند: لە ئەنجامی بۆردومانەكەدا كەسێك كوژراوە لەگەڵ برینداربوونی كەسێكی دیكە كە لەنێو ئۆتۆمبێلەكەدا بوون.
راشیگەیاند: ئەو كەسەی كوژراوە یەكێك بووە لە فەرماندە باڵاكانی كەتائیبی حزبوڵا لە عێراق بەناوی (ئەبوو حەیدەر ئەلخەفاجی).
کۆمێنت (0)
تا ئێستا هیچ کۆمێنتێک نەکراوە.