حكوومەتی توركیا ئەمڕۆ هەینی بەفەرمی بەكارهێنانی تۆڕی كۆمەڵایەتی (ئینستگرام)ی راگرت و دیاریش نییە ئەم راگرتنە لەو وڵاتەدا هەتا كەی بەردەوام دەبێت.
بڕیاری راگرتنی ئیسنتگرام لە توركیا لە كاتێكدایە كە رۆژی چوارشەممەی رابردوو فەخرەدین ئاڵتون سەرۆكی دەستەی تەكنەلۆژیا زانیاری و پەیوەندییەكان لە توركیا رەخنەی توندی لە تۆڕە كۆمەڵایەتییەكە گرتبوو بەهۆی بڕیاری رێگریكردن لە بڵاوكردنەوەی پرسەنامەكان بۆ كوژرانی ئیسماعیل هەنییە سەرۆكی مەكتەبی سیاسی بزووتنەوەی حەماسی فەڵەستینی.
سەرۆكی دەستەكەی توركیا لە تۆڕی كۆمەڵایەتی ئێكس رایگەیاندبوو كە بڕیاری رێگریكردن لە بڵاوكردنەوەی پرسەنامەكان لە ئینستگرام سانسۆرێكی ئاشكرای راگەیاندن و یاساكانی تۆڕی كۆمەڵایەتییە.
دەستەكە جەختیشی كردەوە كە بڕیاری راگرتن و بایكۆتكردنی ئینستگرام لە توركیا لەمڕۆ هەینییەوە دەكەوێتە بواری جێبەجێكردنەوە. بەڵام كاتی هەڵگرتنی راگرتنەكەی دیاری نەكردووە.
کۆمێنت (0)
تا ئێستا هیچ کۆمێنتێک نەکراوە.