هونەرمەند محەمەد عەباس بەهرام گەڕایەوە كوردستان

شەوی شەممە 19/20ی 1ی 2024، هونەرمەندی گەورە ( محەمەد عەباس بەهرام)  گەڕایەوە كوردستان.
 هونەرمەند( محەمەد عەباس بەهرام) ،لە فڕۆكەخانەی هەولێری نێودەوڵەتی لەلایەن
 (فەرهەنگ غەفوور) بەڕێوەبەری گشتی رۆشنبیری و هونەری هەولێر و (سەیدئەحمەد رواندزی) بەڕێوەبەری هونەرەكانی موزیك و  ژمارەیەك لە هونەرمەندان، پێشوازییان كرد لە هونەرمەندی دوورە وڵات (محەمەد عەباس بەهرام)، كە بە سەردانێك گەڕایەوە كوردستان و بڕیار وایە بەڕێوەبەرایەتی گشتی رۆشنبیری و هونەری هەولێر بە هاوكاری  كوردستان تی ڤی  لەپای ساڵانێك خزمەتی لە بواری هونەردا رێزلێنانێكی بۆ رێك بخات و ریز لەهونەرەكەی بگرێت . 
هونەرمەند محەمەد عباس لە ساڵی 1952 لە شاری كەركووك لە دایك بووە یەكەمین گۆرانی بەناوی (هەرمەن ڕەنجەڕۆم) لە ئێسگەی كوردی بەغدا تۆمار كردوە دوای ئەوە چەندین گۆرانی تۆمار كرد وەكو: نیگای ئاوات ،بەختی من وابوو،كچی كوردستان ،یاری چاوشین ،سروشت وجوانی، ئاگرێكی بێ خۆڵەمێش،لە هەشتاكانی سەدەی رابردووشدا لە دەروەی وڵات دەژیت.