فەرماندەیەكی سوپای پاسداران كوژرا

ئاژانسی هەواڵی تەسنیمی سەر بە سوپای پاسدارانی ئێران بڵاویكردەوە ئێوارەی دوێنێ حوسێن عەلی جاودانفەر، كە جێگری پێشووی فەرماندەی سوپای پاسداران بووە لە شاری سەراوانی سەر بە پارێزگای سیستان و بەلووچستان، لەلایەن چەند كەسێكەوە دەستڕێژی گولـلەی لێكراو دەستبەجی گیانی لەدەستداوە.تاوەكو ئیستا هیچ گرووپ و لایەنێك بەرپرسیارێتی كوشتنەكەی لە ئەستۆ نەگرتووە. 
كوشتنی جێگری پێشووی فەرماندەی سوپای سەراوان لەكاتێكدایە، كە دوێنێ شەڕ و پێكدادان لەنێوان پاسەوانانی سنووری پارێزگای سیستان و بەلووچستان و گرووپێكی چەكدار كە بەنیازبوون لە پاكستانەوە بپەڕنەوە ناو شاری راسكی سەر بە پارێزگاكە روویدا. 
بەگوتەی ئەحمەد عەلی گودەرزی، فەرماندەی هێزی پاسەوانی سنووری ئێران لە ئەنجامی شەڕ و پێكدادانەكەی سەر سنووری راسك، یەكێك لە چەكدارەكان كوژراوە و دووانی دیكەش بە برینداری هەڵاتوون، كە هێشتا گەڕان و بەدواداچوون بۆ دەستگیركردنیان بەردەوامە.