سوپای ئیسرائیل برینداربوونی 35 سەربازی لە ماوەی 24کاتژمێری ڕابردوودا ڕاگەیاند، کە 15یان لە شەڕ و پێکدادانە زەمینییەکاندا لە کەرتی غەززە برینداربوون.
بەپێی ئەو زانیارییانەی لە ماڵپەڕی سوپای ئیسرائیلدا بڵاوکراوەتەوە، ژمارەی ئەو ئەفسەر و سەربازانەی لە 7ی تشرینی یەکەمی 2023ەوە تا ئێستا برینداربوون، بەرزبووەتەوە بۆ دوو هەزار و 602 کەس.
لە ماوەی 24 کاتژمێری ڕابردوودا، 35 ئەفسەر و سەربازی ئیسرائیل لە کەرتی غەززە برینداربوون، لەوانەیش 15یان لە شەڕ و پێکدادانە زەمینییەکاندا برینداربوون.
هاوکات 429 سەربازی برینداری ئیسرائیلی لە نەخۆشخانەکان چارەسەر وەردەگرن، کە 46یان برینەکانیان سەخت.
لە دەستپێکی هێرشی سەر کەرتی غەززەوە لە 7ی تشرینی یەکەمی 2023ەوە تا ئێستا، 525 سەربازی ئیسرائیل کوژراون، لەوانەیش 190یان لە ماوەی هێرشی زەمینییدا کوژراون.
کۆمێنت (0)
تا ئێستا هیچ کۆمێنتێک نەکراوە.