له‌ خولی ئیتاڵیا ناپۆلی سه‌ركه‌وتنی به‌سه‌ر سالێرنیتانا تۆماركرد

له‌ خولی ئیتاڵیا هه‌ردوو یانه‌ی ناپۆلی و سالێرنیتانا رووبه‌رووی یه‌كتربوونه‌وه‌.

ئێواره‌ی ئه‌مڕۆ شه‌ممه‌ 13ی1ی2024، له‌ میانی به‌ڕێوه‌چوونی یارییه‌كان له‌ گه‌ڕی 20 له‌ خولی ئیتاڵیا، یانه‌ی ناپۆلی له‌ یاریگا و له‌به‌رده‌م هه‌وادارانییدا میوانداری یانه‌ی  سالێرنیتانای كرد.

یارییه‌كه‌ش له‌ به‌رژه‌وه‌ندی ناپۆلی به‌ كۆتاهات به‌ ئه‌نجامی دووگۆل به‌رامبه‌ر به‌ گۆلێك، دوو گۆله‌كه‌ی ناپۆلی له‌ رێگای هه‌ریه‌ك له‌ یاریزانان ماتیۆ پۆڵیتانۆ و ئه‌میر ره‌حمانی له‌ خوله‌كی 45 و 90 تۆماركرا، گۆله‌كه‌ی سالێرنیتاناش له‌ رێگای یاریزان ئه‌نتۆنیۆ له‌ خوله‌كی 29 تۆماركرا.

به‌م سه‌ركه‌وتنه‌ش ناپۆلی له‌ ئێستای ریزبه‌ندی خول به‌ 31 خاڵ له‌ پله‌ی شه‌شه‌مه‌ و سالێرنیتاناش به‌ 12 خاڵ له‌ پله‌ی كۆتادایه‌.