دوو بوومەلەرزە ژاپۆنی ھەژاند

دوو بوومەلەرزە بە گوڕەکانی 5،7 و 7،4 پلە بەپێوەری ڕێختەر کەناراوەکانی ڕۆژئاوای ژاپۆنیان ھەژاند.

ئاژانسی ھەواڵیی ئەسۆشیەییتد پرێس بڵاوی کردەوە کە لە دوای ڕوودانی دوو بوومەلەرزە بە گوڕەکانی 5،7 و 7،4 پلە بەپێوەری ڕێختەر لە کەناراوی ویلایەتی ئیشیکاوا لە ڕۆژئاوای ژاپۆن، ھۆشداری درا لە ڕوودانی تسونامی.

ھاوکات ئاژانسی ھەواڵیی کیۆدۆ بڵاویکردەوە کە ئاژانسی کەشناسیی ژاپۆن لە راگەیەندراوێکدا ئاماژەی بەوەداوە کە بووەمەلەرزەکان، بەرەبەیانی ئەمڕۆ دووشەممە1ی1ی2024، لە کەناراوەکانی پارێزگای ئیشیکاوا ڕۆژئاوای ئەو وڵاتە ڕوویان داوە.

ئاژانسی ھەواڵیی کیۆدۆ باسی لەوەش کردووە کە دوای ڕوودانی بوومەلەرزەکان، ھۆشداری دراوە لەبارەی ڕوودانی شەپۆلەکانی تسۆنامی.