ڕیاڵ مه‌درید براوه‌ی یاری كلاسیكۆ بوو

ڕیاڵ مه‌درید له‌ لالیگادا سه‌ركه‌وتنی به‌سه‌ر بارسێلۆنا تۆماركرد.
ئێواره‌ی ئه‌مڕۆ شه‌ممه‌ 28ی10ی2023، یاری كلاسیكۆی نێوان بارسێلۆنا و ڕیاڵ مه‌درید كه‌ له‌ یاریگای تایبه‌ت به‌ یانه‌ كه‌ته‌لۆنییه‌كه‌ به‌رێوه‌چوو، له‌ به‌رژه‌وه‌ندی ڕیاڵ مه‌درید به‌ كۆتا هات، به‌ ئه‌نجامی دوو گۆل به‌رامبه‌ر به‌ گۆلێك.
گۆله‌كه‌ی بارسێلۆنا له‌رێگای یاریزان، ئیلکای گوندۆگان له‌ خوله‌كی 6 تۆماركرا، دوو گۆله‌كه‌ی ڕیاڵ مه‌دریش له‌ رێگای یاریزان بێلینگهام له‌ خوله‌كی 68 و 90 تۆمار كرا.
به‌م سه‌ركه‌وتنه‌ش ڕیاڵ مه‌درید به‌ 28 خاڵ له‌ پله‌ی یه‌كه‌مدایه‌ و بارسێلۆناش به‌ 24 خاڵ له‌ پله‌ی سێیه‌مدایه‌.