قوتابییه‌كی كورد له كوردستانی ئێران له لایه‌ن هێزه ئه‌منییه‌كانه‌وه ده‌ستگیركرا.
رێكخراوی هه‌نگاو بۆ مافه‌كانی مرۆڤ رایگه‌یاند، رۆژی شه‌ممه 21ی10ی2023، محەممەد عەبدوڵڵاهی‌پوور، تەمەن 24 ساڵ و قوتابی به‌شی زمانی ئینگلیزی له زانکۆی کوردستان لە سنە دەستبەسەرکرا.
بەوتەی سەرچاوەیەکی ئاگادار كه به‌هه‌نگاوی راگه‌یاندووه، ده‌ستگیركرانی ئه‌و قوتابییه کاتژمێر 8ی بەیانی لە ماڵی بنەماڵەکەیدا لە گەڕەکی ژاڵەی شاری سنە و لەلایەن هێزە ئەمنییەکان و بە ئۆتۆمبێلێکی جۆری سەمەندی ئیدارەی ئیتلاعاتەوە ئەنجامدراوە.
هه‌نگاو ئاماژه‌ی به‌وه‌شكردووه، محەممەد عەبدوڵڵاهی‌پوور، دوای دەستگیركرانی بۆ شوێنێکی نادیار گواستراوەتەوە و هەتا کاتی داڕشتنی ئەم هەواڵە لە هۆکاری دەستگیركرانی و ئەو تۆمەتانەی دراونەتە پاڵ ناوبراو زانیارییەکی ورد لەبەر دەستدا نییە.
کۆمێنت (0)
تا ئێستا هیچ کۆمێنتێک نەکراوە.