نرخی دۆلار لە هەولێر و بەغدا بەرزبۆوە

ئەمڕۆ پێنجشەممە نرخی دۆلار لە بازاڕەكانی بەغدا و هەولێری پایتەختی هەرێمی كوردستان بەرامبەر دیناری عێراقی بەرزبوونەوەی بەخۆیەوە بینی.
بەرەبەیانی ئەمڕۆ لە هەردوو بۆرسەی ناوەندی كیفاح و حورییە لە بەغدا ،نرخی 100 دۆلار بە 152 هەزار دینار و 400دینار مامەڵەی پێوەكرا، لەكاتێكدا بەرەبەیانی دوێنێ چوارشەممە، نرخی فرۆشتنی 100 دۆلار 152 هەزار بووە.
سەبارەت بە نرخی دۆلار لە نووسینگەكانی ئاڵوگۆڕی دراو لە بازاڕە ناوخۆییەكانی بەغدا، بەرزبوونەوەی بەخۆیەوە بینی، بەو پێیەی نرخی فرۆشتنی 100 دۆلار گەیشتە 153 هەزارو 500 دینار، لەكاتێكدا نرخی كڕین بۆ هەر 100 دۆلارێك گەیشتە 151 هەزار و 500 دینار.
لەهەولێری پایتەختی هەرێمی كوردستانیش بازاڕی بۆرسە بەرزبوونەوەی تۆماركرد، بەو پێیەی نرخی فرۆشتنی 100 دۆلار گەیشتە 153 هەزار و 350 دینار.