نرخی نەوت لەگەڵ کرانەوەی بازاڕەکانی جیهان بەرزبوونەوەی بەخۆیەوە بینی و هەر بەرمیلێک نەوتی خاوی برێنت بە سەرووی 85 دۆلار مامەڵەی پێوە دەکرێت.
ئەمڕۆ دووشەممە 21ـی 08ـی 2023 نرخی هەر بەرمیلێک نەوتی خاوی برێنت، 75 سەنت بەرزبووەوە و بە 85 دۆلار و 55 سەنت مامەڵەی پێوە دەکرێت، هەروەها هەر بەرمیلێک نەوتی خاوی ڕۆژئاوای تەکساس 80 سەنت بەرزبووەوە و 82 دۆلار و 05 سەنت مامەڵەی پێوە دەکرێت.
نرخی نەوت بەهۆی کەمکردنەوەی هەناردەکردنی نەوت لەلایەن وڵاتانی سعوودییە و ڕووسیا لە بەرزبوونەوەدایە، لە مانگی تەمموزدا، ناردنی نەوتی سعوودییە بۆ چین بەراورد بە مانگی حوزەیران بەڕێژەی 31% دابەزیوە، هاوکات ڕووسیا بە هەرزانفرۆشترین نەوتی خاو، وەک گەورەترین دابینکەری نەوتی چین ماوەتەوە.
کۆمێنت (0)
تا ئێستا هیچ کۆمێنتێک نەکراوە.