سه‌رله‌ئێواره‌ی ئه‌مڕۆ یه‌كشه‌م هێرشی چه‌كداری كراوه‌ته سه‌ر مه‌زارگه‌یه‌كی ئایینی له شاری شیرازی ناوه‌ندی پارێزگای فارس له باشووری ئێران و به‌هۆیه‌وه 4 كه‌س كوژراون.
میدیاكانی ئێران بڵاویان كرده‌وه: دوو چه‌كدار هه‌وڵیانداوه بچنه نێو مه‌زارگه‌ی ئایینی شا چراغ، به‌ڵام پاسه‌وانه‌كانی مه‌زارگه‌كه ڕووبه‌ڕوویان بوونه‌ته‌وه و به‌هۆیه‌وه شه‌ڕه ته‌قه له‌نێوان هه‌ردوولا دروستبووه.
له ئه‌نجامی ڕووبه‌ڕووبوونه‌وه‌كه یه‌كێك له چه‌كداره هێرشكاره‌كان كوژراوه و ئه‌وه‌ی تریش ده‌ستگیركراوه، هه‌روه‌ها چوار كه‌سی تریش له سه‌ردانیكه‌ران و خزمه‌تكارانی مه‌زارگه‌كه كوژراون.
جگه له كوژرانی ئه‌و 4 كه‌سه، 7 كه‌سی تریش له هێرشه‌كه‌دا بریندار بوون.
لای خۆشییه‌وه ته‌له‌فزیۆنی فه‌رمی ئێران ڕایگه‌یاند كه ڕێكخراوی تیرۆریستی داعش به‌رپرسیاره‌تی هێرشه‌كه‌ی گرتۆته ئه‌ستۆ.
کۆمێنت (0)
تا ئێستا هیچ کۆمێنتێک نەکراوە.