ژمارەی قوربانیانی ئاگركەوتنەوەی دارستانەكانی هاوای بەرزبۆوە

بەهۆی ئاگركەوتنەوەكانی دوورگەی ماوی لە هاوای، لانیكەم 89 كەس گیانیان لەدەستداوە.
جۆش گرین ،پارێزگاری هاوای ڕایگەیاند، ژمارەی گیان لەدەستدان بەهۆی ئاگركەوتنەوەكانەوە كە شارۆچكەیەكی گەشتیاری مێژوویی هاواییان وێران كردووە ، گەیشتووەتە 89 كەس.
جۆش گرین بە ڕۆژنامەنووسانی گوتووە ،89 حاڵەتی مردن هەیە و ژمارەكەش بەردەوام روو لە بەرزبوونەوە دەكات .
دەزگای فیدراڵی بەرپرس لە وەڵامدانەوەی كارەساتە سروشتییەكان (FEMA) ڕایگەیاندووە، نزیكەی دوو هەزار و 207 باڵەخانە كە زۆربەیان شوێنی نیشتەجێبوون بوون، وێران بوون یان زیانیان بەركەوتووە.
هەروەها دەسەڵاتدارانی هاوایی ئاشكرایان كردووە كە لێكۆڵینەوەیان بۆ بارودۆخی وەڵامدانەوەی ئاگرەكان كردۆتەوە، ئەندامێكی كۆنگرێس-یش لە ویلایەتەكەوە دان بەوەدا دەنێت كە بەرپرسان مەترسییەكەیان بە كەم سەیركردووە، لەكاتێكدا دانیشتووانانیش دەڵێن: كە هیچ هۆشدارییەكیان پێنەگەیشتووە.