ساڵانه پێش ده‌ست پێكردنی وه‌رزی نوێی خولی یانه‌كانی ئینگلته‌را یاری قه‌لغانی خێرخوازی له نێوان پاله‌وانی خول و جام به‌رێوه ده‌چێت ، كاتژمێر شه‌شی ئێواره‌ی سبه‌ی یه‌ك شه‌ممه و له‌سه‌ر یاریگای وێمبڵی له له‌نده‌ن هه‌ردوو یانه‌ی مانچێسته‌ر سێتی و ئارسناڵ روبه‌رووی یه‌كتری ده‌بنه‌وه .
بۆ به‌ده‌ست هێنانی نازناوه‌كه ، یاری قه‌لغانی خێرخوازی له ساڵی 1908 ده‌ستی پێكردووه كه یانه‌ی مانچێسته‌ر یونایتد بۆ یه‌كه‌م جار نازناوه‌كه‌ی به‌ده‌ستهێناوه .
شه‌یتانه سووره‌كان به 17 نازناو پله‌ی یه‌كه‌میان گرتووه‌و زۆرترین جار جامه‌كه‌یان به‌رزكردۆته‌وه .
یانه‌ی ئارسناڵیش كه خاوه‌نی پازده نازناوه هه‌وڵ ده‌دات جارێكی دیكه جامه‌كه به‌ده‌ست بێنێت و له یانه‌ی مانچێسته‌ر یونایتد نزیك ببێته‌وه ، هه‌رچی یانه‌ی مانچێسته‌ر سێتیه هه‌وڵ ده‌دات بۆ جاری حه‌وته‌م براوه‌ی نازناوی قه‌لغانی خێرخوازی ئینگلته‌را بێت .
مانچێسته‌ر سێتی و ئارسناڵ له یاری قه‌ڵغانی خێرخوازی ئینگلته‌را رووبه‌رووی یه‌كتری ده‌بنه‌وه
100%
کۆمێنت (0)
تا ئێستا هیچ کۆمێنتێک نەکراوە.