له‌ مانگی رابردوودا به‌ته‌قه‌ی راسته‌وخۆی هێزه‌ ئه‌منییه‌كانی ئێران 20 كۆڵبه‌ری كورد بوونه‌ته‌ قوربانی

به‌ته‌قه‌ی راسته‌وخۆی هێزه‌ ئه‌منییه‌كانی ئێران له‌ مانگی رابردوو 20 كۆڵبه‌ری كوردی كورد له‌ شاره‌كانی كوردستان بوونه‌ته‌ قوربانی. 
بەپشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی هه‌نگاو بۆ مافه‌كانی مرۆڤ؛ لە ماوەی حه‌وتی 2023، لانی کەم 20 کۆڵبەر و کاسبکار لە سنوورەکانی کوردستانی  ئێران کوژراون یان بریندار بوون کە 85٪ی ئەو حاڵەتانەش بە تەقەی ڕاستەوخۆی هێزە چەکدارەکانی کۆماری ئیسلامیی ئێران بوونەتە قوربانی.
بەپێی ئەو ئامارەی رێكخراوی هه‌نگاو، 2 کۆڵبەر گیانیان لەدەست داوە و 18 کۆڵبەر بریندار بوون کە 3 کەسیان  لاوبوون و تەمەنیان لە خوار 18 ساڵ بووە.
لەو ئامارە تۆمارکراوەدا پارێزگای کرماشان بە 14حاڵەت زۆرترین ڕێژەی قوربانیبوونی کۆڵبەران و کاسبکارانی تێدا تۆمارکراوە.
هۆکاری گیانلەدەستدان یان برینداربوون
تەقەکردنی ڕاستەوخۆ: 17 کەس (16 بریندار و 1 کوژراو) کە دەکاتە 85٪ی کۆی حاڵەتەکان.
ڕووداوە سروشتییەکان: 2 کەس (1 کوژراو و 1 بریندار) کە دەکاتە 10٪ی کۆی حاڵەتەکان.
لێدان و بێڕێزیکردن: 1 کەس (بریندار) کە دەکاتە 5٪ی کۆی حاڵەتەکان.
جیاکردنەوەی ئامار بەپێی پارێزگاکان
پارێزگای ئورمیە: 1 کەس (کوژراوە)
پارێزگای سنە: 5 کەس (1 کوژراو و 4 بریندار)
پارێزگای کرماشان: 14 کەس (بریندار)
تەقەکردنی هێزە  ئه‌منییه‌كان
هێزە کانی هەنگی سنووری: 17 کەس (1 کوژراو و 16 بریندار )
سوپای پاسداران: 1 کەس (1بریندار)