گرنگیدان ب زێدەکرنا سامانێ ماسیان ئەڤرۆ سپێدێ رۆژا سێشەمبى 1/تەباخا /2023 ێ ب ئامادەبونا د.عەلى تەتەر پارێزگارێ دهۆکێ وکەریم سلێمان بریکارێ وەزارەتا چاندنێ وسەردار یەحیا دەڤەردارێ شێخان وچەند رێڤەبەرێن پەیوەندیدار (75) هزار پەنجە ماسى بو ناڤ بەنداڤا خنس هاتنە بەردان.
پارێزگارێ دهۆکێ دپەیڤەکێدا دەستخوشى ل وەزارەتا چاندنێ کر ل دور ئەو گرنگیا ب سامانێ ماسیان ددەن کو ئەڤە دووەم جارە پەنجە ماسیا بو بەنداڤێن پارێزگەهێ دابیندەکن ژبەرکو نوکە ماسى یا بویە سەرچاوەکێ سەرەکى بو خارنێ ودڤێت رۆژ بو رۆژێ پتر گرنگى بڤى سامانى بهێتە دان.
هەروەسا گوت: نوکە کار ل سەر دورستکرنا دوو بەنداڤێن دى دهێتە کرن وهەردەما ب دوماهى هاتن دێ پەنجە ماسى بو هێنە دابینکرن و دیارکر کو پلانەکا تایبەت هەیە کو بەنداڤا خنس ودەروبەران هەم وەکو جهەکێ شونوارى هەم ژى ببیتە جهەکێ گەشتگوزارى یێ جوان ل دەڤەرێ وسەرنجا گەشتیارا رابگێشیت ودەلیڤێن کارى ژى پتر بو خەلکێ دەڤەرێ بهێنە دابینکرن.
ژلایێ خوڤە بریکارێ وەزارەتا چاندنێ تەکەزکر کو وەزارەتا چاندنێ بەردەوام خەباتێ دکەت وپەنجە ماسیان بو هەموو بەنداڤا دابیندکەت دا سامانێ ماسیان بهێتە زێدەکرن و خەلک کوردستانێ پتر مفاى ژێ وەرگرن.
ب ئامادەبونا پارێزگارێ دهۆکێ وبریکارێ وەزارەتا چاندنێ 75 هزار پەنجە ماسى بو ناڤ بەنداڤا خنس هاتنە بەردان
100%
کۆمێنت (0)
تا ئێستا هیچ کۆمێنتێک نەکراوە.