له ڕووداوێكی هاتوچۆی نێوان دوو پاسی گواستنه‌وه‌دا له شاری نیۆیۆڕكی ئه‌مه‌ریكا به‌لایه‌نی كه‌م 80 سه‌رنشین بریندار بوون.
ڕووداوه‌كه سه‌رله‌ئێواره‌ی دوێنێ پێنجشه‌م له گه‌ڕه‌كی مانهاتن له شاری نیۆیۆڕكی ئه‌مه‌ریكا ڕوویداوه و دوو پاسی گواستنه‌وه‌ی پڕ له نه‌فه‌ر كه یه‌كێكیان گه‌شتیاری هه‌ڵگرتبوو، به‌یه‌كیان داداوه.
كیڤن مۆرفی كه جێگری به‌ڕێوه‌به‌ری به‌رگریی شارستانی شاری نیۆیۆڕكه ڕایگه‌یاندووه كه 80 سه‌رنشین له‌نێو هه‌ردوو پاسه‌كه بریندار بوون، 18 له‌و بریندارانه گواستراونه‌ته‌وه بۆ نه‌خۆشخانه.
كیڤن له‌باره‌ی ڕووداوه‌كه ئاماژه‌ی به‌وه‌داوه، پاسه گه‌شتیارییه‌كه كه دوو نهۆمی بووه، به خێراییه‌كی زۆر له دواوه خۆی كێشاوه به پاسێكی تری گواستنه‌وه‌ی هاووڵاتییان.
جه‌ختیشی كرده‌وه كه هیچ كه‌سێك به‌هۆی ڕووداوه‌كه گیانی له‌ده‌ستنه‌داوه و برینی برینداره‌كانیش سووكه و ته‌نیا ئازاری سه‌ر و قاچ و ده‌ست بووه.
🚨#BREAKING: Over 55+ injuries reported after a double-decker tour bus collides with MTA city bus
— R A W S A L E R T S (@rawsalerts) July 7, 2023
📌#Manhattan | #NewYork
Currently numerous authorities and emergency personnel have been deployed following a collision involving a double-decker tour bus and a MTA city bus in… pic.twitter.com/4UeSNJAk4Z
کۆمێنت (0)
تا ئێستا هیچ کۆمێنتێک نەکراوە.