بەندکراوێکی خەڵکی شاری شاباد بەهۆی شەڕ و ئاڵۆزی نێوان بەندکراوانی بەندیخانەی ناوەندی لە کرماشان له كوردستانی ئێران کوژرا.
رێکخراوی مافی مرۆڤی هەنگاو له راگه‌یه‌ندراوێكدا بڵاویكرده‌وه: بەهۆی شەڕ و تێکهەڵچونی نێوان بەندکراوانی بەندیخانەی ناوەندی حکومەتی کۆماری ئیسلامی ئێران لە کرماشان بەندکراوێکی خەڵکی شاری شاباد بە ناوی مەهدی کەرەمی کوژرا.
سەرچاوەیەکی ئاگادار بە ڕێکخراوی هەنگاوی ڕاگەیاندووە: ئەو بەندکراوە لەلایەن بەندکراوێکی دیکە بە ناوی میلاد جامع شورانی و بە لێدانی چەقۆ کوژراوە.
رێكخراوی هه‌نگاو ئاماژه‌ی به‌وه‌شكردووه: پێشتر هەواڵی کوژرانی بەندکراوێکی دیکەی بە ناوی مەجید شاهوەیسی تەمەن (35) ساڵان و خەڵکی کرماشان، بەهۆی شەڕ و ئاڵۆزی بەندکراوانی ئەو بەندیخانەیە و بە لێدانی چەقۆ بڵاوکردەوە.
کۆمێنت (0)
تا ئێستا هیچ کۆمێنتێک نەکراوە.