له خولی باسكه‌ی پیشه‌گه‌رانی ئه‌مه‌ریكا، تیپی ئۆكلاهۆما سیتی سه‌ركه‌وتنی له ده‌ره‌وه‌ی یاریگای خۆی به‌ده‌ستهێناو به سه‌دوچل وپێنج خاڵ به‌رامبه‌ر به سه‌دوسیی و پێنج خاڵ له تیپی نیویۆرك نیكسی میوانداری برده‌وه.
یاریه‌كه له هۆڵی مادیسۆن سكوێر گاردن له شاری نیویۆرك به‌ڕێوه‌چوو، یاریزانانی ئۆكلاهۆما ئاستێكی به‌رزیان پێشكه‌شكرد به تایبه‌تی له هه‌ردوو ماوه‌ی دووه‌م و سێیه‌م، تا له كۆتاییدا به جیاوازی ده خاڵ سه‌ركه‌وتنیان به‌ده‌ستهێنا، به‌م ئه‌نجامه‌ش ئۆكلاهۆما سیتی دووه‌م یاری له‌سه‌ریه‌ك و شه‌شه‌م یاری له‌م وه‌رزه‌ی ئێن بی ئه‌ی برده‌وه، یاریزان شای گیل گیۆس ڕۆڵی كاریگه‌ری له‌م بردنه‌وه‌ی ئۆكلاهۆما بینی و سیی و حه‌وت خاڵی له یاریه‌كه تۆماركرد، هه‌ردوو هاوكاره‌كه‌شی جۆش جیدی و لاو دۆرت هه‌ریه‌كه‌و بیستوچوار خاڵی دیكه‌یان بۆ تیپی براوه به‌ده‌ستهێنا.
له‌به‌رامبه‌ریشدا، یاریزان كام ڕیدیش بیست و شه‌ش خاڵی بۆ نیویۆرك نیكس تۆماركردو تیپه‌كه‌شی حه‌وته‌م یاری له‌م وه‌رزه‌ی خوله‌كه دۆڕاند.
له باسكه‌ی ئه‌مه‌ریكا ئۆكلاهۆما سیتی سه‌ركه‌وتنی به‌سه‌ر نیویۆرك نیكسی تۆماركرد
100%
کۆمێنت (0)
تا ئێستا هیچ کۆمێنتێک نەکراوە.