له خولی باسكه‌ی تیپه پیشه‌گه‌ره‌كانی ئه‌مه‌ریكای ناسراو به ئێن بی ئه‌ی، تیپی پۆرتلاند ترایل به سه‌دوسێزده خاڵ به‌رامبه‌ر به سه‌دویازده خاڵ له تیپی فینیكس سانزی میوانی برده‌وه.
له یاریه‌كه‌دا یاریزانانی هه‌ردوو تیپ له ڕكابه‌ریه‌كی به‌هێزی یه‌كتری بوون بۆ تۆماركردنی خاڵه‌كان تا له ماوه‌ی یاساییدا، هه‌ردوولا به سه‌دودوو خاڵ بۆ هه‌ریه‌كه‌یان یه‌كسان بوون، بۆیه په‌نابرایه به‌ر ماوه‌ی زیادكراو و له ئه‌نجامدا پۆرتلاند به جیاوازی ته‌نها دوو خاڵ سه‌ركه‌وتنی به‌ده‌ستهێناو دووه‌م یاری له‌سه‌ریه‌كی له وه‌رزی نوێی ئێن بی ئه‌ی برده‌وه، یاریزان دامیان لیلارد ڕۆڵی كاریگه‌ری له‌م بردنه‌وه‌ی پۆرتلاند بینی و چلویه‌ك خاڵی له یاریه‌كه تۆماركرد.
له‌و لاشه‌وه یاریزان دێڤین بۆكێر سیی و سێ خاڵی بۆ فینیكس سانز به‌ده‌ستهێناو تیپه‌كه‌شی دووچاری یه‌كه‌م دۆڕان له‌م وه‌رزه‌ی خولی باسكه‌ی پیشه‌گه‌رانی ئه‌مه‌ریكا بووه‌وه .
له‌باسكه‌ی ئه‌مه‌ریكا پۆرتلاند ترایل سه‌ركه‌وتنی به‌سه‌ر فینیكس سانز تۆماركرد
100%
کۆمێنت (0)
تا ئێستا هیچ کۆمێنتێک نەکراوە.