هونەرمەندێكی كورد بەشداری لە فیستیڤالێكی ژینگە پارێزی هۆڵەندا دەكات

فیستیڤالی ژینگە پارێزی لە هۆڵەندا ساڵانە بەڕێوەدەچێت، بە هۆی خۆپارێزی لە پەتای كۆرۆنا بۆ دووساڵ ئەنجام نەدرا، بۆ یەكەمجارە هونەرمەندێكی كورد بانگهێشتی ئەو فیسیڤاڵە دەكرێت و بە گۆرانییەكی كوردی بەشدار دەبێت لەگەڵ چەندین هونەرمەندی تری وڵاتانی تر.
هونەرمەند كاروان حەمید حەلاق، كەسێكی چالاك و لە زۆربەی چالاكییە هونەریەكان بەشدارە، بە گۆرانی و موزیكی كوردی و جلو بەرگی كوردیەوە.
 لەوبارەیەوە هونەرمەند كاروان حەمید  گوتی: بە خۆشحاڵیەوە لەو فیستیڤالە بەشداربووم و بۆ ئێمەی كورد گرنگە كلتوور و موزیك و گۆرانی كوردی لەهەر شوێنێك دەروازەیەكی بچوكیش بێت بەشدار بین و خەڵكی دەرەوە بە موزیك و گۆرانی كلتووری كوردی ئاشنا بكەین.
هەروەها گوتی: من لەهەرچالاكیەك بانگهێشت بكرێم تەنانەت بە گۆرانیەكیش بێت بەشدار دەبم و خۆشحاڵ دەبم، لەبەر ئەوەی تەنها گۆرانییەكە نییە كە گوێبیستی دەبن، دواتر لە پشووەكاندا چەندین جار دووبارە بۆتەوە كە دێن و پرسیار لە سەر كوردستان و كورد و موزیك و هونەرەكەی و تەنانەت هەندێكجاریش باس لە جوانی و جوگرافیای كوردستانیش دەكرێت .