له‌میانی ڕكابه‌ریه‌كانی هه‌فته‌ی هه‌شته‌می خولی ئیتاڵیا، یانه‌ی فیۆرنتینا بووه میوانی یانه‌ی ڤینیزیا، له‌م یاریه‌ش، ڤینیزیا به گۆڵێكی بێ به‌رامبه‌ر یاریه‌كه‌ی برده‌وه ، له گێمی یه‌كه‌م و له خوله‌كی سی وشه‌ش یاریزانی ئیتاڵی ماتیا ئه‌رامۆ تاكه گۆڵی یاریه‌كه‌ی به ده‌ست هێنا ، گێمی یه‌كه‌م به‌م تاكه گۆڵه ته‌واو بوو.
له گێمی دووه‌م یاریزانانی هه‌ردولا له هه‌وڵی گۆڵ تۆماركردن بوون ، به‌ڵام هه‌وڵه‌كانیان بێ ئه‌نجام بوو و یاریه‌كه به گۆڵێكی بێ به‌رامبه‌ر له به‌رژه‌وه‌ندی ڤینیزیا ته‌واو بوو -ڤینیزیا دووه‌م سه‌ركه‌وتنی له‌م وه‌رزه‌ی خوله‌كه‌ی به‌ده‌ست هێناو كۆی خاله‌كانی له پله‌ی پازده‌هه‌می ریزبه‌ندی بۆ هه‌شت خال به‌رزكرده‌وه یانه‌ی ڤیۆرنتیناش تووشی چواره‌م دۆراندن هات و به دوازده خال له پله‌ی نۆیه‌م مایه‌وه .
له خولی ئیتاڵیادا ڤینیزیا سه‌رکه‌وتنی به‌سه‌ر فیۆرنتینا تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.