له هه‌فته‌ی نۆیه‌می خولی ئیسپانیا، یانه‌ی ئیسپانیۆل له‌سه‌ر یاریگای خۆی میوانداری یانه‌ی كادێزی كردو یاریه‌كه‌شی لێ برده‌وه به‌ئه‌نجامی دوو گۆلی بێ به‌رامبه‌ر.
یارییه‌كه له‌سه‌ر یاریگای پاوه‌ر هه‌شت به‌رێوه چوو ، له‌گه‌ل ده‌ست پێكی یاری یاریزانانی هه‌ردوو یانه له هه‌ولی تۆمار كردنی گۆلدا بوون به‌لام له‌م گێمه ته‌نها گۆلێك تۆمار كرا ئه‌ویش یاریزانی ئیسپانی رائوول دی تۆماس له دوا خوله‌كی یاری له سوودی ئیسپانیۆلی تۆمار كرد.
له گێمی دووه‌م و له خوله‌كی شه‌ست و پێنج نیكۆ ریباودیۆی ئیسپانی گۆلی دووه‌م و دلنیایی سه‌ركه‌وتنی له سوودی خاوه‌ن یاریگا تۆمار كردو یاریش به‌م ئه‌نجامه كۆتایی پێ هات و ئیسپانیۆل سێیه‌م بردنه‌وه‌ی له‌م وه‌رزه‌ی خوله‌كه‌ی به‌ده‌ست هێناو كۆی خاله‌كانیشی له پله‌ی یازده‌هه‌مینی ریزبه‌ندی بۆ دوازده خال به‌رزكرده‌وه، هه‌رچی یانه‌ی كادیشه تووشی چواره‌م دۆراندن هات و به حه‌وت خال له پله‌ی شازده‌هه‌مینی ریزبه‌ندی دێت .
له لالیگادا ئیسپانیۆل سه‌رکه‌وتنی به‌سه‌ر کادێز تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.