رێكخراوی ته‌ندورستی جیهانی له‌راگه‌یاندێكدا باسی له‌هه‌نگاوێكی مێژوویی كرد به‌راسپاردنی یه‌كه‌م پێكوته و ڤاكسینی خسته‌ڕوو دژ به‌په‌تای مه‌لاریای منداڵان، ئه‌مه‌ش بۆ منداڵانی ئه‌فریقیا و باشووری بیابان و ناوچه‌كانی دیكه گرنگییه‌كی زۆری هه‌یه.
به‌یاننامه‌ی رێكخراوی ته‌ندروستی جیهانی جه‌خت له‌وه‌ده‌كاته‌وه ئه‌م راسپارده‌یه له‌دوای به‌رنامه‌یه‌كی ئه‌زموونی به‌رده‌وام دێ، كه له نۆرینگه‌كانی وڵاتانی گانا و كینیا و مه‌لاوی تاقیكراوه‌ته‌وه، هه‌ر له‌و به‌یاننامه‌یه‌دا هاتووه "به‌رنامه‌كه له2019ه‌وه خراوته‌ڕوو بۆ ئه‌مه‌ش 800 هه‌زار منداڵ به ڤاكسینی RTS,S/AS01 كوتراوه، هه‌روا ئه‌م ڤاكسینه ناسراوه به "موسكیریكس" به‌پێی ده‌رئه‌نجامه‌كانیشی سه‌ركه‌وتووه و بڕی تێچوونه‌كه‌شی په‌سه‌نده و زۆر به‌ئاسانی راده‌ستده‌كرێ، هاوكات رێژه‌ی 30% ئه‌وانه‌ی به‌توندی تووشبوونه ده‌پارێزێ.
له‌لایه‌كی دیكه‌وه دكتۆر تیدرۆس ئه‌دهانۆم گیبرییسۆس به‌ڕێوه‌به‌ری گشتی ته‌ندروستی جیهانی جه‌ختی له‌وه‌كرده‌وه "زۆر له‌مێژه چاوه‌ڕوان بووین بۆیه ئه‌م هه‌نگاوه مێژووییه و پێشكه‌وتنێكی گه‌وره‌یه له‌بواری زانست و ته‌ندروستی منداڵ و نه‌هێشتی مه‌لاریادا، هه‌روه‌ها به‌كارهێنانی ئه‌م پێكوته‌یه له‌ته‌ك ئه‌و ماددانه‌ی پشتی پێ ده‌به‌سترێ بۆ خۆپارێزی له‌مه‌لاریا، له‌وانه‌یه له‌ساڵێكدا هه‌زاران منداڵ رزگار بكات، له‌ئیستاشدا ئه‌و ڤاكسینه به‌كارده‌هێندرێ بۆ چاره‌سه‌ر".
CNN عه‌ره‌بی
کۆمێنت (0)
تا ئێستا هیچ کۆمێنتێک نەکراوە.