ب ئاماده‌بوونا هشیار زێبارى ئه‌ندامێ مه‌كته‌با سیاسی یا پارتى دیموكراتى كوردستان و ژماره‌كا مه‌زن یا به‌رپرسێن وه‌رزشى و وه‌رزشڤانێن دێرین و یاریزانێن یانا دهۆكێ، ل شه‌ڤا ده‌ربازبووى كارگێریا یانێ ئاهنگا پشته‌ڤانیێ بۆ لیستا پارتى دیموكراتى كوردستان بۆ په‌رله‌مانى ئیراقێ ل یاریگه‌ها خوه سازكر.
دڤێ ئاهنگێ دا سه‌رۆكێ یانێ بژار ئیسماعیل بخێرهاتنا جه‌نابێ هشیار زێبارى و مێڤانێن حازربووى كر و دۆپاتكر كو یانا دهۆك پشته‌ڤانا پارتى دیموكراتى كوردستان و سه‌ر رێبازا بارزانیێ نه‌مره، هه‌روه‌سان دیاركر كو هه‌موو ئه‌ندامێن یانێ، فه‌رمانبه‌ر، راهێنه‌ر و یاریزانان دێ بۆ لیستا پارتى ده‌نگى ده‌ن.
دووڤدا هشیار زێبارى ئه‌ندامێ مه‌كته‌با سیاسى یا پارتى دیموكراتى كوردستان گوتاره‌ك پێشكێشكر و لسه‌ر كاودانێن نوكه و بزاڤێن پارتى بۆ كوردستانه‌كا بهێز و ئێگكرتى ل به‌غدا و پاراستنا مافێن كوردستانیان، دیاركر كو بتنێ پارتى ژ هه‌ژى یه بۆ ده‌نگدانێ.
ژلایێ خوه‌ڤه فه‌هیم عه‌بدوللا سه‌رۆكێ ئه‌نجوومه‌نى پارێزگه‌ها دهۆكێ د گۆتارا خوه دا بخێرهاتنا ئه‌ندامێ مه‌كته‌با سیاسى یا پارتى كر و دیاركر كو ئه‌ڤ پێشكه‌فتنا وه‌رزشا پارێزگه‌هێ په‌یدابووى ژلایێ پشته‌ڤانیا پارتى و سه‌ركردێن پارتى بووینه و وهیڤى خواست وه‌رزشڤانێن پارێزگه‌هێ ب وژدانانه ده‌نگێ خوه بده‌ن ، چنكو پارتى هه‌ر پشته‌ڤانێ وه‌رزشێ بوویه.
یانا دهۆک پێشوازیا هشیار زێبارى کر
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.