ھێزە ئەمنییەکانی عێراق لە میانی زنجیرەیەک ئۆپەراسیۆندا، سێ تیرۆریست و 13 تۆمەتباریان لە ژمارەیەک ناوچەی بەغدا، دەستگیر کرد.
شانەی راگەیاندنی ئەمنی سەربە فەرماندەیی ئۆپەراسیۆنە ھاوبەشەکانی عێراق لە راگەیەندراوێکدا ئاماژەی بەوەداوە، ھێزە ئەمنییەکان لە میانی دوو ئۆپەراسیۆندا، توانیویانە سێ تۆمەتبار کە بەپێی ماددەی چواری تیرۆر داواکرابوون لە ژمارەیەک ناوچەی باشوور و رۆژئاوای بەغدا دەستگیر بکەن.
باس لەوەش کراوە کە ھێزە ئەمنییەکان، ھەروەھا لە میانی زنجیرەیەک ئۆپەراسیۆندا، 13 داواکراویان لە ژمارەیەک ناوچەی بەغدا دەستگیر کردووە و دەستیان بەسەر ژمارەیەک پارچە چەکی بێ مۆڵەتدا، گرتووە.
کۆمێنت (0)
تا ئێستا هیچ کۆمێنتێک نەکراوە.