فه‌رمانده‌یی گشتیی هێزه چه‌كداره‌كانی عێراق ئاشكرای كرد، توانیویانه له 4 پارێزگای جیاواز 9 ئه‌ندام و چه‌كداری داعش ده‌ستگیر بكه‌ن كه یه‌كێكیان له پارێزگای سلێمانی بووه.
لیوا یه‌حیا ڕه‌سوول گوته‌بێژی فه‌رمانده‌یی گشتی هێزه چه‌كداره‌كانی عێراق بۆ ده‌زگا ڕاگه‌یاندنه‌كان گوتی: ده‌زگای نه‌هێشتنی تیرۆر له چه‌ند هه‌ڵمه‌تێكدا له 4 پارێزگای عێراق توانیویانه 9 ئه‌ندامی داعش ده‌ستگیر بكه‌ن، پارێزگاكانیش بریتین له به‌غدا، ئه‌نبار، كه‌ركووك و سلێمانی.
گوته‌بێژه‌كه هه‌روه‌ها ڕایگه‌یاند: چوار له‌و ده‌ستگیركراوانه‌ی داعش له شاری به‌غدا بوون، سێی تریان له شارۆچكه‌ی فه‌لووجه بوون، یه‌كێكی تریش له كه‌ركووك و ئه‌وه‌ی تریشیان له شاری سلێمانی بووه كه به هاوكاری ده‌زگای ئاسایشی هه‌رێمی كوردستان بووه.
کۆمێنت (0)
تا ئێستا هیچ کۆمێنتێک نەکراوە.