ئه‌مڕۆ هه‌ینی ٢٠٢١/٧/٣٠ نێچیرڤان بارزانی، سه‌رۆکی هه‌رێمی کوردستان، له په‌یوه‌ندییه‌کی ته‌له‌فۆنیدا له‌گه‌ڵ مامۆستا سه‌ڵاحه‌ددین محه‌مه‌د به‌هائه‌ددین ئه‌مینداری گشتیی یه‌کگرتووی ئیسلامیی کوردستان، بۆ کۆچی دواییی خاتوو حه‌میده محه‌مه‌د به‌هائه‌ددینی خوشکیان، پرسه و سه‌ره‌خۆشی ئاراسته‌ی به‌ڕێزیان کرد.
نێچیرڤان بارزانی وێڕای ده‌ربڕینی هاوخه‌می له‌گه‌ڵ مامۆستا سه‌ڵاحه‌ددین محه‌مه‌د به‌هائه‌ددین و خانه‌واده‌ی به‌ڕێزیان، هیوای خواست خوای مه‌زن خوالێخۆشبوو به به‌زه‌یی و میهره‌بانیی خۆی شاد بکات و سه‌بووریی خێزان و که‌سوکاریان بدات.
لای خۆیه‌وه مامۆستا سه‌ڵاحه‌ددین محه‌مه‌د به‌هائه‌ددین، سوپاسی سه‌رۆکی نێچیرڤان بارزانی کرد بۆ په‌یوه‌ندی و هاوخه‌می و هاوبه‌شی له پرسه‌که‌یاندا.
کۆمێنت (0)
تا ئێستا هیچ کۆمێنتێک نەکراوە.