پاشنيوه‌ڕۆى ئه‌مڕۆ چوارشه‌ممه 2021/7/28 نێچيرڤان بارزانى، سه‌رۆكى هه‌رێمى كوردستان، پێشوازى له هانسى ئيسكۆبار، باڵيۆزى ئيسپانيا له عيراق كرد كه ئه‌ركه‌ى كۆتايى دێت.
له ديدارێكدا سه‌رۆكى هه‌رێمى كوردستان، ماڵئاوايى له باڵيۆزى ئيسپانيا كرد و هيواى سه‌ركه‌وتنى له ئه‌ركى تازه‌يدا بۆ خواست، هه‌روه‌ها سوپاس و پێزانينى بۆ هه‌وڵ و ڕۆڵيان له په‌ره‌پێدانى په‌يوه‌ندييه‌كانى ئيسپانيا له‌گه‌ڵ عيراق و هه‌رێمى كوردستان پێشكه‌ش كرد.
له به‌شێكى ديكه‌ى ديداره‌كه‌دا داهاتووى په‌يوه‌ندييه‌كانى هه‌رێمى كوردستان و عيراق له‌گه‌ڵ ئيسپانيا، ده‌رفه‌تی وه‌به‌رهێنان و سه‌رمایه‌گوزاریی ئیسپانی له هه‌رێمی کوردستان، دۆخ و هه‌ڵبژاردنى پێشوه‌ختى عيراق، په‌ره‌سه‌ندنه‌كانى ناوچه‌كه و چه‌ند بابه‌تێكى مايه‌ى بايه‌خى هه‌ردوولا، تاوتوێ كران.
کۆمێنت (0)
تا ئێستا هیچ کۆمێنتێک نەکراوە.