سه‌رله‌به‌یانی ئه‌مڕۆ پێنجشه‌مه 2021.7.15، هێمن قادر، پارێزگارى هه‌ولێر به‌وه‌كاله‌ت و سه‌رۆكى لێژنه‌ی به بازاڕكردنى گه‌نم، به‌یاوه‌ری نه‌به‌زعه‌بدولحه‌مید، قائیمقامی ناوه‌ند و هێمن موراد حه‌سه‌ن، به‌ڕێوه‌به‌ری گشتیى كشتوكاڵى هه‌ولێر، به‌مه‌به‌ستی له‌نزیكه‌وه ئاگاداربوون له وه‌رگرتن و چۆنیه‌تى به بازاڕكردنى گه‌نمى جوتیاران، سه‌ردانى سایلۆى هه‌ولێرى كرد.
له‌سه‌ردانه‌كه‌یدا، پارێزگارى هه‌ولێر به‌وه‌كاله‌ت، سه‌ردانى ته‌واوی به‌ش و یه‌كه‌كانی كرد و له‌نزیكه‌وه به دواداچوونى بۆ چۆنیه‌تى به‌ڕێوه‌چوونی پڕۆسه‌ى وه‌رگرتن و به بازاڕكردنى گه‌نمى جوتیاران كرد، له‌وباره‌یه‌شه‌وه ده‌ستخۆشی له به‌ڕێوه‌به‌ر و فه‌رمانبه‌رانى سایلۆى هه‌ولێر كرد بۆ باش به‌رێوچوونى پڕۆسه‌كه كه توانیویانه تاڕاده‌یه‌كى زۆر له وه‌رگرتن و به بازاڕكردنى گه‌نمى جوتیاران چاره‌سه‌رى کێشە و گرفته‌كان بكه‌ن، به‌ڕێوه‌به‌ر و فه‌رمانبه‌رانى سایلۆى هه‌ولێريشى ڕاسپارد به میكانزمێك كار ئاسانی زیاتر بۆ جوتیاران بكه‌ن تاوه‌كو له گواستنه‌وه و ڕاده‌ستكردنى به‌ربوومه‌كانیان كه‌مترین خه‌رجیان بكه‌وێته ئه‌ستۆ.
پارێزگارى هه‌ولێر به‌وه‌کاله‌ت، به‌مه‌به‌ستی ئاگاداربوون له وه‌رگرتنى گه‌نمى جوتیاران، سه‌ردانى سایلۆى هه‌ولێرى کرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.