بەڕێوەبەرایەتی گشتی کەشناسی و بوومەلەرزەزانیی ھەرێمی کوردستان، پێشبینییەکانی کەشوھەوای 48 كاتژمێری داهاتووی پارێزگاكانی هه‌رێمی كوردستانی بڵاو كرده‌وه و رایده‌گه‌ێنێت: ئه‌مڕۆ دووشه‌مه 24 - 5- 2021 له سه‌رجه‌م پارێزگاكان ئاسمان نیمچه‌هه‌ور ده‌بێت.
کەشناسیی ھەرێمی کوردستان راشیده‌گه‌ێنێت: سبه‌ی سێشه‌مه 25 - 5- 2021 ، له هه‌ولێر و سلێمانى ئاسمان له كاته‌كانى به‌یانیی زوودا هه‌ورى ته‌واو ده‌بێت، ئه‌گه‌رى بارانبارین له ناوچه شاخاوییه‌كانى هه‌ردوو پارێزگاكه هه‌یه، هه‌روه‌ها ئه‌گه‌رى بارینى نمه‌بارانیش له سه‌نته‌رى پارێزگاكان هه‌یه، له دهۆك و كه‌ركووكیش ئاسمان نیمچه‌هه‌ور ده‌بێت، له ناوچه شاخاوییه‌كانى دهۆك ئاسمان هه‌ورى ته‌واو ده‌بێت، ئه‌گه‌رى بارینى كه‌مێك باران له دهۆك هه‌یه، له كه‌ركووكیش ئه‌گه‌رى بارینى نمه‌باران هه‌یه.
که‌شناسی ئاماژه بۆ ئه‌وه‌ش ده‌كات كه‌به‌رزترین پله‌كانی گه‌رما بۆ ئه‌مڕۆ و سبه‌ی به‌م شێوه‌یه ده‌بێت:
ئه‌مڕۆ دووشه‌مه ، هه‌ولێر 33 پله ، دهۆك 31 پله ، سلێمانی 33 پله ، كه‌ركوك 35 پله .
سبه‌ش به‌م شێوه‌یه ده‌بێت:
هه‌ولێر 31 پله ، دهۆك 30 پله ، سلێمانی 32 پله ، كه‌ركوك 34 پله .
کۆمێنت (0)
تا ئێستا هیچ کۆمێنتێک نەکراوە.