ئه‌مشه‌و هه‌ینی له شاری دهۆك ڕووداوێكی هاتووچۆ ڕوویدا و له ئاكامدا چوار كه‌س بوونه قوربانی.
په‌یامنێری كوردستا تیڤی له باره‌ی ڕووداوه‌كه‌وه پێیڕاگه‌یاندین: نزیكی كاتژمێر 10:30 خوله‌كی ئه‌مشه‌و هه‌ینی ڕووداوێكی هاتووچۆ له نزیك بازگه‌ی به‌دریكێ ڕوویدا و به‌هۆیه‌وه سێ كه‌س كه به ڕه‌گه‌ز عه‌ره‌بن له ناو ئۆتۆمبیله‌كه‌دا سووتان گیانیان له‌ده‌ستدا و سه‌رنشینێكی تری ئۆتۆمبیله‌كه‌ش به سه‌ختی سووتا و گوازرایه‌وه بۆ نه‌خۆشخانه‌ی فریاكه‌وتنی دهۆك.
ڕاشیگه‌یاند: ئۆتۆمبیله‌كه له جۆری BMW یه و به پێی زانیارییه سه‌ره‌تاییه‌كان به‌هۆی تیژڕۆییه‌وه كۆنتڕۆڵی له‌ده‌ستداوه و به‌هۆیه‌وه سێ كه‌س گیانیان له‌ده‌ستداوه.
گوتیشی: تیمه‌كانی ئاگركوژێنه‌وه و به‌رگری و فریاكه‌وتنی دهۆك له نزیكترین كاتدا گه‌یشتنه شوێنی ڕووداوه‌كه و ئاگره‌كه‌یان كوژانده‌وه و ته‌رمه‌كانیشیان بۆ پزیشكی دادی دهۆك گواسته‌وه.
ئاماژه‌ی به‌وه‌شكرد: په‌ڕاوی لێكۆڵینه‌وه بۆ ڕووداوه‌كه كراوته‌وه و لێكۆڵینه‌وه‌كان به‌رده‌وامن.
کۆمێنت (0)
تا ئێستا هیچ کۆمێنتێک نەکراوە.