نرخی نەوت ئەمڕۆ لە بازاڕەکانی جیهاندا بەرزبوونەوەی تۆمارکرد، هۆکارەکەشی بۆ کەمبوونەوەی یەدەگی نەوتی ئەمریکا و پێشبینییەكان سەبارەت بە زیادبوونی خواست لەسەر وزە دەگەڕێتەوە.
نرخی بەرمیلێک نەوتی خاوی برێنت بە بڕی نزیكەی نیو دۆلار و رێژه‌ی له سه‌دا سفر پۆینت حه‌وت بەرزبووەوە و نرخەکەی گەیشتە شیست و هه‌شت پۆینت سی و حه‌وت دۆلار، ئەوەش بەرزترین نرخە لەماوەی حەوت هەفتەی ڕابردوودا پێیگەیشتووە.
هەروەها نرخی یەک بەرمیل نەوتی خاوی تەکساسیش بەهەمانشێوە نزیكەی نیو دۆلار و ڕێژەی له‌سه‌دا سفر پۆینت حه‌وت بەرزبووەوە و نرخەکەی گەیشتە شێست و شه‌ش پۆینت هه‌شتا و هه‌شت دۆلار، نەوتی تەکساس لە هه‌شتی ئازاری ڕابردووەوە نەیتوانیوە بگاتە ئەو نرخە.
لە هەفتەی ڕابردوودا یەدەگی نەوتی ئەمریکا حه‌فت پۆینت شێست و نۆ ملیۆن بەرمیل کەمبووەتەوە و ئەمەش بەرزترین ئاستی کەمبوونەوەیە لە مانگی کانونی دووەمی ئەمساڵەوە تۆماری کردبێت.
کۆمێنت (0)
تا ئێستا هیچ کۆمێنتێک نەکراوە.