پارێزگارێ دهۆکێ رێکه‌فتنه‌ک دگه‌ل پارێزگارێ گوینزڤێل ل ویلایه‌تا فلوریدا یا یٔه‌مریکى ئیمزاکر

پارێزگارێ دهۆكێ ب ئاماده‌بونا سه‌روكێ جڤاتا پارێزگه‌هێ رێكه‌فتنه‌ك دگه‌ل پارێزگارێ گوینزڤێل ل ویلایه‌تا فلوریدا یا ئه‌مریكى ئیمزاکر.

ئه‌ڤروئێڤارى  8-3-2021 ل هولا پارێزگه‌هێ ب شێوێ ئونلاین  به‌رێز د.على ته‌ته‌ر پارێزگارێ دهۆكێ  ب ئاماده‌بونا سه‌روكێ جڤاتا پارێزگه‌هێ وده‌ڤه‌ردارێ دهۆكێ وهه‌ر پێنچ سه‌روكێن زانكویێن باژێرێ دهۆكێ و چه‌ند رێڤه‌به‌رێن گشتى رێكه‌فتنه‌كا دوو  قولى یا (ده‌سته‌ خویشك) دگه‌ل (لاورن پوى) پارێزگارێ گوینزڤێل ل ویلایه‌تا فلوریدا یا ئه‌مریكى  واژوكر .

درێ ورسمێن واژوكرنا رێكه‌فتنێ دا پارێزگارێ دهۆكێ خوشحالیا خو دیاركر وبناڤێ كارگێریا پارێزگه‌هێ و هه‌موو به‌رهه‌ڤبویا سوپاسیا پارێزگارێ گوینزڤێل كر كو ئه‌ڤ رێكه‌فتنه‌ دبوارێن جودا جودا وه‌كو( چاندن ویٔابورى وكلتورى وپه‌روه‌رده‌یى وزانستى و ژینگه‌هـ و....هتد) دگه‌ل باژێرێ گوینزڤێل ل فلوریدا ل ئه‌مریكا  هاته‌ واژوكرن.

هه‌روه‌سا گوت: دهۆك ئێك ژ باژێرێن كه‌ڤناره‌ ل سه‌ر ئاستێ رۆژهه‌لاتا ناڤین ب سه‌دان ساڵه‌ كلتورێ پێكڤه‌ ژیانێ وهه‌ڤدوو قه‌بولكرنێ لێ هه‌یه‌ و خه‌لكێ  وێ ب ئاشتى و برایه‌تى ب هه‌ڤرا‌ دژین و ئاماژه‌ دا جهێ ستراتیجى یێ دهۆكێ كو دكه‌ڤیته‌ سه‌ر توخیبێ تركى و سوریێ و ئێكه‌م ده‌روازه‌یه‌ دگه‌ل ئه‌ورپا دهێته‌ گرێدان و زور یا ناڤداره‌ ب چاندنێ و گه‌شتیاریێ و چه‌ندین شونوارێن مێژویى ژى لێ هه‌نه‌ و ژلایێ پیشه‌سازى ژى یا گه‌شێ دكه‌ت.

هه‌روه‌سا گوت: چه‌ند ساڵه‌ پترى نیڤ ملیون ئاواره‌ و په‌نابه‌ر لێ دژین و خواست كو رێكه‌فتن ببیته‌ هوكاره‌ك بو پێشئێخستنا هه‌موو بوارێن ناڤبرى  و سه‌ره‌دان دناڤبه‌را هه‌ردوو ئالیان پتر بهێنه‌ كرن و هه‌ردوو لا پتر مفاى ژهه‌ڤدوو ببینن.

هه‌ر بڤێ هه‌لكه‌فتنێ پارێزگارێ گوینزڤێل په‌یڤه‌ک پێشكێشكر و خوشحالیا خو ب رێكه‌فتنێ دیاركر و به‌رهه‌ڤیا خو دیاركر بو هه‌ر هه‌ڤكاریه‌كێ.

ل دور ئارمانجێن رێكه‌فتنێ پارێزگارێ دهۆكێ بو ده‌زگه‌هێن راگه‌هاندنێ  گوت: ئه‌ڤ رێكه‌فتنه‌ بو ماوێ (5) سالایه‌ هه‌موو پێزانین دناڤبه‌را هه‌ردوو باژێران دا و په‌یوه‌ندیێن ئابورى و چاندنێ و كلتورى و ئه‌كادیمى وره‌وشه‌نبیرى و زانستى و ته‌ندورستى و په‌روه‌رده‌یى وژینگه‌هى و....هتد  دێ هێنه‌ ئالوگوركرن و سه‌ره‌دان دناڤبه‌را هه‌ردوو ئالیان دێ هێنه‌ یٔه‌نجامدان.

هه‌روه‌سا دیاركر كو چه‌ند باژێرێن دیژى ل وه‌لاتێن ئه‌وروپا داخازكریه‌ كو ئه‌ڤ جوره‌ رێكه‌فتنه‌ بهێنه‌ واژوكرن و ئارمانج ئه‌وه‌ ئه‌م هه‌رێما كوردستانێ و پارێزگه‌ها دهۆكێ ل ‌بو خه‌لكێ جیهانێ پتر بده‌ینه‌ نیاسین.