به گوێره‌ی هه‌واڵێكی ماڵپه‌ڕی ئه‌نجومه‌نی زیندانه سیاسییه‌كانی رۆژهه‌ڵاتی كوردستان له ماوه‌ی یه‌ك مانگی ڕابردوودا شه‌پۆڵی نوێی ده‌ستبه‌سه‌ركردن و بانگهێشت كردنی هاووڵاتییان و چالاكوانانی كورد ده‌ستی پێ كردووه، له‌ناو ده‌ستبه‌سه‌ركراوه‌كاندا كه ژماره‌یان زیاتر له 100 كه‌سه، شه‌س ژنه‌چالاكوان هه‌ن تا ئێستاش له ده‌سبه‌سه‌رگه‌كانی ئیتڵاعات له ژێر لێپێچینه‌وه‌ی ناوه‌نده ئه‌منییه‌تییه‌كاندا چاره‌نووسیان نادیاره.
ئه‌نجومه‌نی زیندانه سیاسییه‌كانی رۆژهه‌ڵاتی كوردستان راشیگه‌یاندووه هه‌ر له‌م ماوه‌یه‌دا پێنج هونه‌رمه‌ندی ژن و ئاره‌زوو موسته‌فایی، كچه شاعیری 17 ساڵانی خه‌ڵكی مه‌ریوان ، دوای بانگهێشت كردنیان بۆ ئیداره‌ی ئیتلاعاتی شاری مه‌ریوان، خراونه‌ته‌‌ژێر لێپرسینه‌وه و دواتر به‌وه‌رگرتنی به‌ڵێننامه‌ئازاد كراون.
کۆمێنت (0)
تا ئێستا هیچ کۆمێنتێک نەکراوە.