ماتیۆ توله‌ر، باڵیۆزی ئه‌مریكا له عێراق، له په‌راوێزی سه‌ردانه‌كه‌ی بۆ ھه‌ولێر پایته‌ختی ھه‌رێمی كوردستان، سه‌ردانی فڕۆكه‌خانه‌ی نێوده‌وڵه‌تیی ھه‌ولێری كرد.
به‌گوێره‌ی ئه‌و راگه‌یاندراوه‌ی له په‌یجی فه‌رمی كۆنسوڵخانه‌ی گشتیی ئه‌مریكا له ھه‌ولێر له تۆڕی كۆمه‌ڵایه‌تی فه‌یس بووك بڵاوكراوه‌ته‌وه، ماتیۆ توله‌ر به یاوه‌ری فه‌رمانده‌ی بنكه‌ی ئاسمانیی ھه‌ولێری ھێزه‌كانی ئه‌مریكا، كۆڵۆنێڵ سكۆت دیسۆرمۆ سه‌ردانی فڕۆكه‌خانه‌ی نێوده‌وڵه‌تیی ھه‌ولێری كرد و له‌گه‌ڵ به‌ڕێوه‌به‌ری گشتیی فڕۆكه‌خانه‌ی نێوده‌وڵه‌تیی ھه‌ولێر، ئه‌حمه‌د ھوشیار محه‌مه‌دئه‌مین كۆبووه‌وه.
به گوێره‌ی راگه‌یاندراوه‌كه، ماتیۆ توله‌ر رایگه‌یاندووه "ئه‌مریكا پابه‌نده به به‌رده‌وامیدان به كاركردن له‌گه‌ڵ ده‌سه‌ڵاتدارانی فڕۆكه‌خانه بۆ دابینكردنی ئاساییش و ھاریكاری ته‌كنیكی پێویست بۆ ئه‌م ناوه‌نده گرنگه‌ی ھاتوچۆی ئاسمانی.
کۆمێنت (0)
تا ئێستا هیچ کۆمێنتێک نەکراوە.