كاكەمین نەجار له‌یادی كۆچی دوایی ئیدریس بارزانی رایگه‌یاند: كاك ئیدریس بارزانی سەركردەییەكی خاكی و ئەندازیاری ئاشتی لایەنە سیاسیەكانی كوردستان بوو.
رۆژی پێنجشەمە 30-1-2020 لە بارەگای ئەنجومەنی سەركرداییەتی هەولێر بە ئامادەبوونی كاكەمین نەجار ئەندامی مەكتەبی سیاسی و سەرۆكی ئەنجومەنی سەركرداییەتی پارێزگای هەولێر و بڵند ئیسماعیل بەرپرسی لقی 16 و هەڤاڵان و كادیران و جەماوەرێكی زۆر پارتی دیموكراتی كوردستان یادی 33 ساڵەی كۆچی دوایی كاكە ئیدریسی هەمیشە زیندوو بەرز ڕاگیرا.
لە ووتەكەیدا كاكەمین نەجار بەشێك لە یادەوەرییەكان و خەبات و تێكۆشانی كاكە ئیدریسی هەمیشە زیندوو بۆ هەڤاڵان باس كرد و رایگەیاند كاك ئیدریس سەركردەییەكی خاكی و ئەندازیاری ئاشتی نێوان لایەنە سیاسیەكانی ئەو سەردەمی هەر چوار پارچەی كوردستان بوو، سەركرداییەتی راستەوخۆی زۆربەی داستانەكانی پێشمەرگەی دەكرد، بە هاوبەشی لەگەڵ سەرۆك بارزانی داینەمۆی سەرهەڵدانەوەی شۆرشی گوڵان و پێكهێنەری سەركرداییەتی كاتی بوون، بە داخەوە كۆچی دوایی كاكە ئیدریس داخێكی گەورەی بۆ سەركرداییەتی پارتی و تەواوی خەڵكی كوردستان و بەتایبەت بۆ سەرۆك بارزانی هێشتەوە.
کۆمێنت (0)
تا ئێستا هیچ کۆمێنتێک نەکراوە.