ئێران بۆ ئیسرائیل: له‌هه‌موو لایه‌ک گه‌مارۆدراون و به‌چه‌کێک وه‌ڵامتان ده‌ده‌ینه‌وه‌ تووشی سه‌رسوڕمان ده‌بن

سوپای پاسدارانی ئێران هۆشداری دایه‌ ئیسرائیل له‌وه‌ی به‌نیاز بێت هه‌ر هێرشێك بكات و به‌ڵێنیشی دا كه‌ به‌چه‌ێكێك وه‌ڵامیان ده‌ده‌نه‌وه‌ كه‌ پێشتر ئاشكرایان نه‌كردووه‌.

ئه‌مِرۆ شه‌ممه‌ عه‌باس نیلفرۆشان، جێگری فه‌رمانده‌ی سوپای پاسدارانی ئێران رایگه‌یاند: ئیسرائیل ناتوانێ هه‌ڕه‌شه‌ له‌ئێران بكات،چونكه‌ ئێمه‌ له‌ رۆژهه‌ڵات و رۆژئاواو باكوورو باشوور گه‌مارۆمان داوه‌.

هه‌روه‌ها ئه‌و به‌رپرسه‌ ئێرانییه‌ هۆشداری دایه‌ ئیسرائیل و گوتی: ئه‌گه‌ر جه‌نگ ده‌ستی پێكرد، كۆتاییه‌كه‌ی به‌ده‌ستی ئه‌وان نابێت .

 گوتیشی: ئه‌گه‌ر دوژمن له‌كاتێكدا هه‌ر گه‌مژه‌ییه‌ك بكات، ئه‌وا وانه‌یه‌كی فێرده‌كه‌ن كه‌ قه‌ت له‌بیری نه‌چێته‌وه‌.

وه‌رگێڕان و داڕشتنه‌وه‌ی / رزگار

سه‌رچاوه‌ / رووسیا ئه‌لیۆم