مایك بۆمبیۆ وه‌زیری ده‌ره‌وه‌ی ئه‌مریكا رایگه‌یاند كه ئه‌مریكا سه‌ركه‌وت به سه‌ر كه‌مكردنه‌وه‌ی تواناكانی ئێران له چالاكیه تیرۆریستییه‌كان كه‌به گه‌وره‌ترین وڵات داده‌نرێت له پاڵپشتی كردنی تیرۆر .
بۆمبیۆ روونیكرده‌وه كه تواناكانی ئێران له پشتگیری كردنی حزبولڵای لوبنان و پشتیوانی كردنی میلیشیاكانی عێراق و پشتگیریكردنی حوسییه‌كان به شێوه‌یه‌كی به‌رچاو كه‌مبۆته‌وه ئه‌ویش ده‌گه‌ڕێته‌وه بۆ نه‌بوونی پشتگیری ماددی بۆیان .
ئه‌وه‌شی راگه‌یاند كه ئه‌مریكا دركی به‌وه كرد كه توانای به ده‌ستهێنانی چه‌كی ئه‌تۆمی هه‌یه له ماوه‌یه‌كی كه‌مدا بۆیه ئه‌مریكا ده‌ستیكرد به پێشخستنی ستراتیژیه‌تێك كه گونجاو بێت له هه‌وڵه‌كانی له رۆژهةلاتی ناوه‌ڕاست بۆ ئه‌وه‌ی سه‌قامگیری مسۆگه‌ر بكات .
وه‌زیری ده‌ره‌وه‌ی ئه‌مریكا ئه‌وه‌شی راگه‌یاند كه ئه‌مریكا خه‌ریكه هاوپه‌یمانییه‌كی نێوده‌وڵه‌تی پێكبهێنێت بۆ مسۆگه‌ركردنی رێڕه‌وه ئاوییه نێوده‌وڵه‌تییه‌كان به بێ بوونی هیچ گرفتێك و مسۆگه‌ركردنی سه‌لامه‌تی گواستنه‌وه‌ی كه‌ل و په‌ل له گه‌رووی هورمزو رێڕه‌وه ئاوییه‌كانی دیكه .
سوهێل تاهیر ...... كوردستان تیڤی
کۆمێنت (0)
تا ئێستا هیچ کۆمێنتێک نەکراوە.