جێگری پێشووی سه‌ركۆماری ئێران و سه‌رۆكی پێشووی شاره‌وانی تاران، محه‌مه‌د عه‌لی نه‌جه‌فی، هاوسه‌ره‌كه‌ی كوشت.
به‌پێی هه‌واڵێكی ئاژانسی ئیسنا، سه‌رۆكی داواكاری گشتیی تاوانه‌كان، محه‌مه‌د شه‌هریاریی، ئاشكرایكردووه كه محه‌مه‌د عه‌لی نه‌جه‌فی دانی به كوشتنی هاوسه‌ره‌كه‌یدا ناوه.
محه‌مه‌د شه‌هریاریی تیشكی خستووه‌ته سه‌ر ئه‌وه‌ی نه‌جه‌فی خۆی راده‌ستی پۆلیس كردووه و راشیگه‌یاندووه "ناوبراو دانی به كوشتنی هاوسه‌ره‌كه‌یدا له‌به‌ر ناكۆكی خێزانیی، ناوه.
دوێنێ، میترا نه‌جه‌فی هاوسه‌ری دووه‌می محه‌مه‌د عه‌لی نه‌جه‌فی كه یه‌كێكه له‌و كه‌سانه‌ی له تیمی كاری نزیك له سه‌ركۆماری ئێران حه‌سه‌ن رۆحانی بووه، له ماڵه‌كه‌ی خۆیدا له گه‌ڕه‌كی سه‌عدابادی باكووری تاران، به ده‌ستڕێژی گولـله كوژرا.
کۆمێنت (0)
تا ئێستا هیچ کۆمێنتێک نەکراوە.