وه‌زیری ده‌روه‌ی ئه‌مریكا گۆڕانكاری له پلانی سه‌ردانه‌كه‌ی بۆ رووسیا ئه‌نجامدا و به‌رو برۆكسل به‌رێكه‌وت.
دوای به‌رزبوونه‌وه‌ی گرژیه‌كان له نێوان ئه‌مریكا و ئێران، مایك پۆمپیۆ وه‌زیری ده‌ره‌وه‌ی ئه‌مریكا به‌رو برۆكسلی پایته‌ختی به‌لژیكا به‌رێكه‌وت، بۆ ئه‌وه‌ی له‌گه‌ڵ به‌رپرسانی باڵای یه‌كێتی ئه‌ورووپا، سه‌باره‌ت به چه‌ند پرسێك، به تایبه‌تی ئێران، گفتوگۆ بكه‌ن.
ئاژانسی رۆیته‌رز له‌سه‌ر زاری سه‌رچاوه‌یه‌كی له كۆشكی سپی كه نه‌یویست ناوی ئاشكرا بكات بڵاویكرده‌وه: بڕیار بوو ئه‌مڕۆ دووشه‌مه وه‌زیری رده‌ره‌وی ئه‌مریكا سه‌ردانی روسیا بكات به‌ڵام پلانی سه‌ردانه‌كه‌ی بۆ مۆسكۆ به‌ره‌و برۆكسڵ گۆڕیوه.
بڕیاره سبه‌ی سێ شه‌ممه مایك پۆمپیۆ وه‌زیری ده‌ره‌وه‌ی ئه‌مریكا به‌روه رووسیا به‌رێ بكه‌وێت و له گه‌ڵ ڤلادیمیر پۆتین سه‌رۆك و هه‌روه‌ها سێرگی لاڤرۆف وه‌زیری ده‌ره‌وه‌ی رووسیا له سوچی دیدارێك ئه‌نجام بدات..
کۆمێنت (0)
تا ئێستا هیچ کۆمێنتێک نەکراوە.