نووسینگه‌ی سیستانی پێشبینی کردووه‌ رۆژی سێشه‌ممه‌ یه‌که‌م رۆژی مانگی ره‌مه‌زان بێت

دوای ئه‌وه‌ی وه‌قفی سوننی رۆژی دووشه‌ممه‌ی وه‌ك یه‌كه‌م رۆژی رمه‌زان دیاریكرد،نووسینگه‌ی عه‌لی حوسێن سیتانی مه‌رجه‌عی باڵای دینی له‌ نه‌جه‌ف، پێشبینی كردوو رۆژی سێشه‌ممه‌ 7-5-2019 یه‌كه‌م رۆژی مانگی ره‌مه‌زان بێت بۆ ساڵی 1440ی كۆچی.

شه‌وی رابردوو لیژنه‌ی باڵای بینینی مانگی له‌ وه‌زاره‌تی ئه‌وقاف رایگه‌یاند: سبه‌ی یه‌كشه‌ممه‌ 5-5-2019 ته‌واوكاری مانگی شه‌عبانه‌ و رۆژی دووشه‌ممه‌ 6-5-2019 یه‌كه‌م رۆژی مانگی ره‌مه‌زانه‌.

هاوكات دیوانی وه‌قفی سونی عێراقیش له‌راگه‌یه‌ندراوێكدا ئاماژه‌ی به‌وه‌داوه‌ كه‌ رۆژی دووشه‌ممه‌ یه‌كه‌مین رۆژی مانگی ره‌مه‌زانه‌.

هه‌روه‌ها سعودیه‌ و وڵاتانی كه‌نداو رۆژی دووشه‌ممه‌یان وه‌ك یه‌كه‌م رۆژی مانگی ره‌مه‌زان دیاریكرد.

داڕشتنه‌وه‌ی هه‌واڵ / رزگار