بریاره به‌م زووانه سەرۆک وەزیرانی عێراق سەردانی چه‌ند وڵاتێكى ئەورووپا بکات و له‌م باره‌وه ئەمڕۆ دووشەممە 29-4-2019، نووسینگەی عادل عەبدولمەهدیی سەرۆک وەزیرانی عێراق رایگەیاندووە، عەبدولمەهدی سەردانی هۆڵەندا، ئەڵمانیا و دواتریش فەرەنسا دەکات.
راشیگەیاندووە، عادل عەبدولمەهدی رۆژی سێشەممە 30-4-2019 سەردانی هۆڵەندا دەکات و دواتریش دەچێتە هه‌ردوو وڵاتی ئه‌لمانیاو فه‌ره‌نسا.
نووسینگه‌ی سه‌رۆك وه‌زیرانی عێراق وتيشى" دیارترین ئه‌و پرسانه‌ی عادل عه‌بدولمه‌هدی له‌گه‌ڵ به‌رپرسانی ئه‌و سێ وڵاته ئه‌وروپییه باسیان ده‌كات، په‌یوه‌سته به گه‌ڕانه‌وه‌ی سه‌قامگیریی بۆ عێراق و بونیادنانه‌وه‌ی ناوچه رزگاركراوه‌كان".
کۆمێنت (0)
تا ئێستا هیچ کۆمێنتێک نەکراوە.