به‌پێى هه‌واڵێكى رۆیته‌رز، ئه‌مڕۆ یه‌كشه‌ممه 28ى نیسانى 2019، محه‌مه‌د جه‌واد زه‌ریف وه‌زیرى ده‌ره‌وه‌ى ئێران له ته‌له‌فزیۆنى فه‌رمى ئێران رایگه‌یاند: له نێو بژارده زۆره‌كانى حكومه‌تى ئێران به‌جێ هێشتنى ڕێككه‌تننامه‌ى چه‌كى ئه‌تۆمى یه‌كێكه له بژارده‌كانى حكومه‌ت.
له وێبسایتى حكومه‌تى ئێران ئاى ئار ئاى بى، لێدوانه‌كه‌ى جه‌واد زه‌ریفى بڵاوكردۆته‌وه و تییایدا هاتووه: كۆماریى ئیسلامى ئێران بژارده‌ى زۆرى له‌به‌ر ده‌سته و به‌جێ هێشتنى ڕێككه‌وتننامه‌ى ئه‌تومى یه‌كێكه له‌و بژاردانه.
جه‌واد زه‌ریف هه‌روه‌ها رایگه‌یاند: پلانى سه‌ردانى كۆریاى باكوورى له مێشكدایه و پێویسته ئه‌و دوو وڵاته دژى سزاكانى واشنتۆن ببنه‌وه.
جێى ئاماژه پێدانه ڕێككه‌وتننامه‌ى ئه‌تۆمى له ساڵى 1970 جێبه‌جێ كرا و له ساڵى 1995 درێژه‌ى پێدرا و ئامانج له‌و ڕێككه‌وتنه به‌كارهێنانى وزه‌ى ئه‌تومیه له چوارچێوه‌ى ئاشتیخوازى و ڕێگرتن له بڵاوبوونه‌وه‌ى ته‌كنه‌لۆجیاى چه‌كی ئه‌تۆمى و بێچه‌ك كردنى ئه‌تۆمى.
ئاماده‌كردن و وه‌رگێڕان/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.