به‌رپرسانی پارێزگای میسان له باشووری عێراق ده‌ڵێن: رووفاتی سه‌ربازێكیان دۆزیوه‌ته‌وه كه له‌ساڵی هه‌شتاكان له‌ماوه‌ی جه‌نگی نێوان عێراق -ئێران وون ببوو.
ئاماژه‌یان بۆ ئه‌وه‌شكردووه كه دۆزینه‌وه‌ی روفاته‌كه ئه‌وكاته بووه كه لافاوێكی به‌هێز له ئێرانه‌وه به‌ره‌و نێو خاكی عێراق هاتووه و رووفاته‌كه‌ی له‌گه‌ڵ خۆی هێناوه‌و له نزیك شاری موشه‌رح له پارێزگای میسان جێگیربووه.
له‌مباره‌یه‌وه به‌رپرسێكی خۆجێی پارێزگای میسان به میدیای عێراقی راگه‌یاندووه: رووفاتی عه‌بدولئه‌میر حاجی جه‌بار جادری،سه‌ربازی پێشووی سوپا له‌گه‌ڵ لافاو هاتۆته‌وه عێراق و ناسراوه‌ته‌وه.
هه‌روه‌ها گوتیشی: ئه‌و سه‌بازه له ساڵی 1982 له‌میانه‌ی جه‌نگی نێوان عێراق - ئێران وون ببوو.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.